Ticcuiqueh tlahtolli “gesto” (“gesture” ica inglés) pan Bertolt Brecht itlahcuiloliz campa ya zanilioa ica gestus, tlen tlahuel mocaqui quehuac justicia. Gestus quincahuilia actores huan audiencias (anque mahuitliz huan anque quittaz pan ce tequitl tlen teatro) nehnehuiliah ica queniuhqui hueli nopa achi tlanahuatilli tlen quiyecana ce personaje hueli tlachicoquizaz huan mopatlaz ica ce yancuic nehnehuiliztli tlen cueponi ica actor itequiuh.
Ce gesto quimanextia tochicahuiliz para ticcuanehnehuilizceh miac cualantli quemman tiquizah nopa mahuiltiliztli tlen teatro co campecac huan monequi titequitizchen, quehuac actores huan audiencia, zancehco ipan nopa cualantli tlen oncah, quehuac ce comon.
Ica EDT/b.a.n.g. lab huan ceyoc tequitl tlen na nicchihuatiyohui, ticnequih nichueilizceh tonehnehuiliz ica gesto quehuac ce tlamantli tlen quinmalinilia tepoztli itlacayo (quehuac computadoras zo teléfonos celulaes) huan totlacayo (quehuac tlacameh huan cihuameh).
Pan ni gesto iihtic cueponiz totlacayo ichicahuiliz tlen ica zampa titzimpilozceh huan tihuilanazceh ica gobierno tlen quinequi techtzacuiliz. Ticnequi nouhquiya ticzancehcotilizceh ni nehnehuiliztli, tlen tochicahuiliz, ica miac tlamantli tlen panocca huahcauhya para hueli ticpatlazceh tlen panoz, pampa miacquin nehnehuilizceh quitl ce tlamantli monequi panoz pampa iuhquinon panoc huahcauhya huan pampa nopa technextilia televisión zo películas zo zan pan tonemiliz. Huan tohhuantin tiquihtoa hueli mopatlaz nopa tlamantli tlen panoz.
Ce gesto techpalehuia ticpohuazceh para ma titzimpilocan, timolinican huan tihuilanacan quemman tiquizah nopa huapalli campa mocahua gesto.